Воля Чайкоўская – паэтка, журналістка, удзельніца арт-праекту МЯТNА. Нарадзілася 20 снежня 1987 года ў Віцебску. Вучылася ў віцебскай гуманітарнай гімназіі №2. Скончыла Інстытут журналістыкі Беларускага дзяржаўнага ўніверсітэта.

Пачала друкавацца ў 2003 годзе. У 2007 годзе выдала дэбютную кнігу вершаў “Л У П Ы”. Гэта адмысловы мастацкі праект, поўная версія якога уключае яшчэ аднайменны кароткі фільм, зроблены мастаком і музыкам Юрыем Круглікавым. “Л У П Ы” – гэта паэзія, музыка, відэа, графіка. Гэта першы ў Беларусі мультымедыйны праект такога кшталту.

У 2007 годзе Воля Чайкоўская разам з Юрыем Круглікавым стварылі арт-праект МЯТNА. Першы музычны альбом дуэта “Спрэс гуло” выйшаў у 2008 годзе, у 2010 годзе пабачыў свет другі альбом “Мітрэнгі”.

http://kamunikat.org/Czajkouskaja_Vola.html